ორწლიანი პაუზის შემდეგ თბილისში არტის ფესტივალი განახლდება

12-13 ნოემბერს, ფაბრიკაში ურბანული არტის ფესტივალი “ფაბრიკაფიტი 2022” გაიმართება. საქართველოში “ფაბრიკაფიტი” 2016 წლიდან ტარდება და სხვადასხვა ურბანულ აქტივობასა და ქუჩის მხატვრობას აერთიანებს.

წლეულს, ფესტივალის ფარგლებში სტუმრებს შესაძლებლობა ექნებათ ქალაქის ურბანულ განვითარებაზე პანელურ დისკუსიებს დაესწრნონ. ასევე ფესტივალზე ქუჩის ხელოვნებისა და სკეიტბორდინგის შესახებ დოკუმენტური ფილმის ჩვენება მოეწყობა და ქართველი გრაფიტი არტისტის, მიშიკო სულაკაურის წიგნის – “თბილისი კომენტარით” პრეზენტაცია გაიმართება.

აღსანიშნავია, რომ ფესტივალი ორწლიანი პაუზის შემდეგ, მეხუთედ ჩატარდება და მის ფარგლებში, ფაბრიკის კედლებს 16 ქართველი არტისტი მოხატავს.

თაკო ბოკუჩავა