“ღვინის დღეები საქართველოში” 15 ოქტომბერს დასრულდება
ფესტივალის მიზანია ქართული ღვინის ისტორიის, ღვინის სახეობებისა და კერძების შეხამების შესახებ ინფორმაციის გაცნობა და პოპულარიზაცია. ფესტივალი სტუმრებს, ასევე, პურის ცხობისა და ჩურჩხელების ამოვლების პროცესში მონაწილეობის შესაძლებლობაც მისცემს. საფესტივალო ტერიტორიებზე, სხვადასხვა შემოქმედებითი აქტივობა მოეწყობა, შესაძლებელი იქნება მრავალფეროვანი მუსიკის მოსმენა.
ქართული ღვინის ისტორია 8 000 წელს ითვლის. საქართველოში ღვინის კულტურის არსებობას, არქეოლოგიური კვლევების შედეგად აღმოჩენილი, ძველი წელთაღრიცხვით მე-VI ათასწლეულით დათარიღებული, უძველესი ყურძნის წიპწები, ამავე და შემდგომი პერიოდის ღვინის ჭურჭელი და სასმისები ადასტურებს.
ველური ვაზი, პირველად ადამიანმა სწორედ საქართველოს ტერიტორიაზე მოიშინაურა და მისგან ღვინის წარმოება დაიწყო, რაც ქვეყანას ღვინის სამშობლოს სტატუსსაც ანიჭებს.
პოდკასტი
