“რუსეთი მზადაა გაზის მიწოდება დაიწყოს, ევროკავშირს თუ სურს, ონკანი გააღონ” – ვლადიმერ პუტინი
უნგრეთი 85%-ით რუსულ გაზზეა დამოკიდებული და ეწინააღმდეგება ევროკავშირის მიერ სანქციების დაწესებას რუსული გაზის იმპორტზე.
ევროკავშირის ერთ-ერთი წევრი ქვეყნის, უნგრეთის საგარეო საქმეთა მინისტრი, პეტერ სიიარტო მოსკოვში ჩადის. ვიზიტი მიმდინარე კვირაში შედგება.
ოფიციალურად შეხვედრის მიზანი მშვიდობის საკითხების განხილვაა. ასევე დისკუსიები შედგება ,,გაზპრომსა“ და ,,როსატომთან“ უნგრეთის ენერგომომარაგებასთან დაკავშირებით.
უნგრეთი 85%-ით რუსულ გაზზეა დამოკიდებული და ეწინააღმდეგება ევროკავშირის მიერ სანქციების დაწესებას რუსული გაზის იმპორტზე. ამიტომ უნგრეთის პრემიერ-მინისტრი, ვიქტორ ორბანი რამდენიმე კვირის განმავლობაში ბლოკავდა სანქციების პაკეტს, რომელიც რუსულ ნავთობზე ემბარგოს მოიცავდა.
მისი თქმით, ევროკომისიის სანქციები ევროპის ინტერესებისთვის საზიანოა. შედეგად, უნგრეთის საგარეო საქმეთა მინისტრის რუსეთში ვიზიტი ევროპაში მოსალოდნელ ცივ ზამთარს უკავშირდება.
პარალელურად, მისი თქმით, რუსეთი მზადაა ევროპა ენერგეტიკული რესურსებით მოამარაგოს.
“რუსეთი მზადაა მიწოდების დასაწყებად, ბურთი ევროკავშირის მხარესაა, თუ მათ სურთ ონკანი გააღონ”, – განაცხადა მან.
ინგა ფუტკარაძე
პოდკასტი
