ქართველმა ძიუდოისტებმა ზაგრების ევროპის თასზე ექვს მედალი მოიპოვეს

საქართველოს კადეტ ძიუდოისტთა ნაკრებმა, ზაგრების ევროპის თასზე, ექვსი მედალი მოიპოვა, – ინფორმაციას, საქართველოს კულტურის, სპორტისა და ახალგაზრდობის სამინისტრო ავრცელებს.

ქართველმა ძიუდოისტებმა, ხორვატიის დედაქალაქ ზაგრებში გამართულ ევროპის თასზე, ორი ოქროს, ორი ვერცხლისა და ორი ბრინჯაოს მედალი მოიპოვეს. ტურნირის ჩემპიონები თორნიკე გიგაური (-60 კგ) და შოთიკო გოჩიაშვილი (+90 კგ) გახდნენ. ვერცხლის მედლებს კი, შოთა ბაჩოშვილი (50 კგ) და საბა გველესიანი (-90 კგ) დაეუფლნენ. ბრინჯაოს მედლები გიორგი დულარიძემ (-66 კგ) და ნიკოლოზ ზაალიშვილმა (+90 კგ) მოიპოვეს.

აღსანიშნავია, რომ საქართველოს კადეტ ძიუდოისტთა ნაკრებმა, არაოფიციალურ გუნდურ ჩათვლაში, მეორე ადგილი დაიკავა.

სალომე ხომასურიძე