ქართველმა წყალბურთელებმა სერბეთის ნაკრები დაამარცხეს

საქართველოს წყალბურთელთა ნაკრებმა, ოლიმპიური ჩემპიონი სერბეთის ნაკრები დაამარცხა. შეხვედრის ძირითადი დრო ფრედ, 11:11 დასრულდა, თუმცა, ქართველმა წყალბურთელებმა მეტოქეს პენალტებში (12:11) აჯობეს და საბოლოო ანგარიშით, 23:22 იმარჯვეს.

კულტურის, სპორტისა და ახალგაზრდობის სამინისტროს ინფორმაციით, საქართველოს წყალბურთელთა ეროვნული ნაკრები, მსოფლიოს თასის ჯგუფური ეტაპის მე-5 ტურის მატჩში, ოლიმპიური თამაშების, მსოფლიოსა და ევროპის ჩემპიონი – სერბეთის გუნდი უმძიმეს ბრძოლაში დაამარცხა.

შეგახსენებთ, რომ საქართველოს წყალბურთელთა ნაკრებმა, მსოფლიოს თასის ჯგუფურ ეტაპზე, ხუთი მატჩი ჩაატარა და ორ შეხვედრაში იმარჯვა.

სალომე ხომასურიძე