“ტიტანში” ჟანგბადი ამოიწურა – ატლანტის ოკეანეში დაკარგულ ხომალდს ამ დრომდე ეძებენ

ატლანტის ოკეანეში დაკარგულ “ტიტანში” წყალქვეშა ჟანგბადი, სავარაუდოდ, ამოიწურა. როგორც სანაპირო დაცვაში განაცხადეს, გაუჩინარებულ ხომალდზე მყოფი პირების ჟანგბადის მარაგი  ამოწურულია, რადგან “ტიტანი” აღჭურვილი იყო მხოლოდ 96 საათის ჟანგბადით, ხოლო ტაიმერი  დღეს, დილის 7:08 საათზე ამოიწურა. სანაპირო დაცვამ, დღეს დილით, ისიც დაადასტურა, რომ დისტანციური მართვის სატრანსპორტო საშუალებამ  ზღვის ფსკერს მიაღწია და დაიწყო დაკარგული ქვესადგურის ძებნა.

„ნამსხვრევების ველი აღმოაჩინეს საძიებო ზონაში, ტიტანიკის მახლობლად. ამ დროისთვის ექსპერტები აფასებენ მიღებულ ინფორმაციას“ – ნათქვამია აშშ-ის სანაპირო დაცვის განცხადებაში.

მედიის განცხადებით, ხომალდზე ხუთი ადამიანი იმყოფება, მაგრამ ბორტზე მყოფი მგზავრთა სტატუსი ბოლომდე მაინც გაურკვეველი რჩება,  რადგან ოფიციალურ პირებს არც ერთი მათგანის ვინაობა ჯერ არ დაუდასტურებიათ. როგორც ვარაუდის დონეზე ამბობენ, OceanGate Expeditions-ის დირექტორთან სტოკტონ რაშთან ერთად, დაკარგულებს შორის არიან ბრიტანელი მილიარდერი ჰამიშ ჰარდინგი, პაკისტანელი ტექნიკური და ენერგეტიკული მაგნატი შაჰზადა დავუდი, მისი 19 წლის ვაჟი სულეიმანი და “ტიტანიკის” მკვლევარი პოლ-ჰენრი ნარგეოლეტი.