ახალი სასწავლო წლიდან, მოსწავლეები ახალი გრიფირებული სახელმძღვანელოებით ისწავლიან

2023-2024 სასწავლო წლიდან, I-IV და XI კლასის მოსწავლეები, რამდენიმე საგანში, ახალი გრიფირებული სახელმძღვანელოებით ისწავლიან. სახელმძღვანელოების განახლება ეროვნული სასწავლო გეგმის შესაბამისად მიმდინარეობს.

განათლებისა და მეცნიერების სამინისტროს განცხადებით, 2023-2024 სასწავლო წლიდან ახალი სახელმძღვანელოები  I, II  და XI კლასის ყველა საგანში შეიცვლება, III და IV კლასებში კი მხოლოდ მუსიკასა და სპორტში. სახელმძღვანელოების განახლება  ახალი ეროვნული სასწავლო გეგმის შესაბამისად მიმდინარეობს.

დაწყებითი საფეხურის სახელმძღვანელოების შესარჩევად დაგეგმილი გრიფირებისთვის საკონსულტაციო შეხვედრები, სასკოლო სახელმძღვანელოების პოტენციურ ავტორებთან, გასული წლის ოქტომბერში დაიწყო.