ყველი, კვერცხი, ყავა, შაქარი გაძვირდა – ფასების 26%-იანი მატება საქართველოში

საქართველოს სტატისტიკის ეროვნული სამსახურის მონაცემებით, საქართველოში წლიურმა ინფლაციამ 10.4 % შეადგინა, ხოლო თვიურად, ნოემბერში ოქტომბერთან შედარებით ინფლაცია 0.5%-ით გაიზარდა.

ინფლაციის მაღალი დონე საკვებ პროდუქტებზე, ტრანსპორტსა და ელექტროენერგიაზე ფასების ზრდაში აისახა. სურსათსა და უალკოჰოლო სასმელების ჯგუფში ფასები 16.8 %-ით გაიზარდა. კერძოდ, ფასებმა მოიმატა ბოსტნეულსა და ბაღჩეულზე 26 %-ით, პურზე 23.8%-ით, თევზეულზე 13.6%-ით, ხორცზე 9.1%-ით, ხილზე 6.9%-ით, მინერალურ წყლებსა და უალკოჰოლო სასმელებზე 22 %-ით, რძე, ყველსა და კვერცხზე 18.3%-ით, ყავა, ჩაისა და კაკაოზე 19.5%-ით, შაქარსა და ტკბილეულზე 15.7%-ით.

რაც შეეხება საცხოვრებელს, წყალს, ელექტროენერგიასა და ბუნებრივ აირს, ამ ჯგუფში ფასები გაიზარდა 15.4%-ით, კერძოდ, ელექტროენერგიასა და ბუნებრივ აირზე 5.6%-ით, საცხოვრებელ ფაქტიურ გადასახადზე კი 34.1%-ით.

ტრანსპორტის ჯგუფში ფასების 8.2 % მომატება დაფიქსირდა, მათ შორის სატრანსპორტო მომსახურებაზე 13.8%-ით.

ინფლაცია შეეხო სხვა ჯგუფებსაც: კაფე და რესტორნებში ფასები გაიზარდა 15.9%-ით, დასვენების ჯგუფში 9.6%-ით, გართობა და კულტურა 6.2%-ით, განათლება 6.6%-ით, ავეჯი, საოჯახი ნივთები და სახლის მოვლა 9.6%-ით.

ცნობისათვის, 2021-2022 წლებში საქართველოში ინფლაციამ რეკორდულ ნიშნულს მიაღწია.

ინგა ფუტკარაძე


უძველესი ცივილიზაციების ათეულში საქართველო მეორე ადგილს იკავებს

საქართველო მსოფლიო ტურიზმის დღისთვის მზადებას იწყებს

გაეროს გენერალურმა ასამბლეამ ოკუპირებული აფხაზეთიდან და ცხინვალის რეგიონიდან იძულებით გადაადგილებულ პირთა სტატუსის შესახებ რეზოლუცია მიიღო

,, თუ ადამიანს უწერია სიკვდილი მამულისათვის, ეს ბედნიერებაა!“- გმირთა მოედანზე გენო ადამიას ბიუსტი დაიდგა

გიორგი მიქაუტაძე საფრანგეთის ლიგა 2-ის საუკეთესო ფეხბურთელია

პოდკასტი