გიორგი მიქაუტაძე საფრანგეთის ლიგა 2-ის საუკეთესო ფეხბურთელია

საფრანგეთის ფეხბურთელთა პროფკავშირმა (UNFP) ლიგა 2-ის მთავარ პრიზებზე ნომინირებული ფეხბურთელებისა და მწვრთნელების ვინაობა უკვე გამოავლინა. გიორგი მიქაუტაძე საფრანგეთის ლიგა 2- ის სეზონის საუკეთესო ფეხბურთელად დაასახელეს.

,,ლიგა 1-ში დასაბრუნებლად, ბოლო ტურში ,,ბასტიასთან“ მატჩის მოგება დაგვჭირდება. მინდა, მადლობა გადავუხადო  კლუბს, რომელიც მენდობა. ასევე იმ ფეხბურთელებს, რომლებმაც ხმა მომცეს“,- განაცხადა გიორგი მიქაუტაძემ დაჯილდოების შემდეგ.

საქართველოს ნაკრების თავდამსხმელმა მიმდინარე სეზონში 23 გოლი გაიტანა და 8 საგოლე გადაცემა შეასრულა. ამ ეტაპზე, მიქაუტაძე „კანის“ შემტევს, ალექსანდრე მენდის 4 ბურთით უსწრებს.

გამორჩეულ მოთამაშეებს, საფრანგეთის ფეხბურთელთა პროფკავშირი (UNFP)  ყოველი სეზონის ბოლოს აჯილდოებს.