ხვიჩა კვარაცხელია საუკეთესო ფეხბურთელთა ნომინანტთა შორის დასახელდა

ხვიჩა კვარაცხელია  ,,ფიფა“-ს წლის საუკეთესო ფეხბურთელის ჯილდოზეა ნომინირებული. ამასთან დაკავშირებით, ცნობილმა იტალიურმა ვებგვერდმა ,,football-italia“-მ წერილი გამოაქვეყნა:

 „ნაპოლის“ ვარსკვლავები ვიქტორ ოსიმენი და ხვიჩა კვარაცხელია ,,ფიფა“-ს წლის საუკეთესო მამაკაცის ჯილდოზე წარდგენილ 12 ნომინანტთა შორის არიან. გასულ სეზონში, „პარტენოპეი“, ლუჩანო სპალეტის ხელმძღვანელობით,  ევროპის ერთ-ერთი ყველაზე ენერგიული გუნდი იყო. იოლად ავიდა სერია A-ს ცხრილის სათავეში და ჩემპიონთა ლიგაზე, „მილანთან“ მეოთხედფინალამდე შესანიშნავი თამაში აჩვენა. ოსიმენი და კვარაცხელია სპალეტის „ნაპოლის“ ორი გამორჩეული ვარსკვლავი იყო. პირველი 36, მეორე კი 31 გოლის შექმნაში მონაწილეობდა“,- ნათქვამია წერილში.

ცნობისათვის, ,,The Best Men’s Player“-ის პრი­ზის ამ­ჟა­მინ­დე­ლი მფლო­ბე­ლი ლიონელ მე­სია.

ამ და სხვა ნომინაციებში გა­მარ­ჯვე­ბულს გულ­შე­მატ­კი­ვა­რე­ბი, ჟურ­ნა­ლის­ტე­ბი, ნაკ­რე­ბე­ბის კაპიტნები და მწვრთნე­ლე­ბი ,,ფიფა“-ს ვებგვერდზე ხმის მიცემით გამოავლენენ. ხმის მიცემა უკვე დაიწყო და გულშემატკივრები პოზიციის დაფიქსირებას 6 ოქტომბრამდე შეძლებენ.