საუდის არაბეთში მიმდინარე მსოფლიო ჩემპიონატზე ქართველი ძალოსნები ასპარეზობენ

საუდის არაბეთში მიმდინარე მსოფლიო ჩემპიონატზე, სადაც პარიზის 2024 წლის ოლიმპიური ლიცენზიების ქულებიც თამაშდება, საქართველოს ნაკრებიდან პირველი რამინ შამილიშვილი გამოვიდა. ქართველმა ძალოსანმა ატაცში თავი 112 კილოგრამს გაართვა და მე-7 ადგილზე გავიდა, აკვარში კი შამილიშვილმა 131 კილოგრამი დაძლია და მე-11 საფეხური დაიკავა. ორჭიდში მოგროვილი 243 კილოგრამით სპორტსმენს მე-7 ადგილი ერგო.

დღეს, მსოფლიო ფიცარნაგზე გოდერძი ბერდელიძეც წარდგა. ქართველმა ძალოსანმა B ჯგუფის ატაცში მთავარი მწვრთნელის, გიორგი ასანიძის ყველა მითითება შეასრულა, სამივე ცდა 123/ 126 / 130 კგ. წარმატებით დაძლია და მე-4 ადგილზე გავიდა. ბერდელიძემ აკვრაში თავი 150 კილოგრამს გაართვა და მე-17 საფეხურზეა, ხოლო ორჭიდში მოგროვილი 280 კილოგრამით მე-9 ადგილი დაიკავა.

საუდის არაბეთში მიმდინარე მსოფლიო ჩემპიონატზე დღეს კიდევ ერთი ქართველი ძალოსანი შოთა მიშველიძე იასპარეზებს.