საქართველოს საკალათბურთო ნაკრები მომდევნო ეტაპზე გავიდა

მსოფლიოს ჩემპიონატზე, საქართველოს საკალათბურთო ნაკრებმა ვენესუელა 70:59 დაამარცხა და მომდევნო ეტაპზე გავიდა.

მწვრთნელმა, ილიას ზუროსმა სასტარტო ხუთეული არ შეცვალა და მატჩი შემდეგი შემადგენლობით – რატი ანდრონიკაშვილი, ტად მაკდაფენი, დუდა სანაძე, თორნიკე შენგელია და გიორგი შერმადინი დაიწყო.

მატჩის საუკეთესო კალათბურთელად გუნდის კაპიტანი თორნიკე შენგელია დასახელდა. სპორტსმენმა 25 ქულა მოიპოვა, მის ანგარიშზეა 3 მოხსნა და 3 შედეგიანი გადაცემა.

მომდევნო ეტაპზე, საქართველოსა და სლოვენიის ნაკრებ გუნდებს ავსტრალია და გერმანია შეუერთდებიან. საქართველო ავსტრალიასა და გერმანიას შეხვდება. ოთხეულის ორი საუკეთესო გუნდი 1/4-ფინალში გავა.