ზამთრის პირველ კვირაში თბილისში პირველი თოვლი მოვიდა
დღეს, 5 დეკემბერს, თბილისსა და მის შემოგარენში პირველი თოვლი მოვიდა.
![](https://24media.ge/wp-content/uploads/tovli.jpg)
დიდთოვლობაა დედაქალაქის შემოერთებულ ტერიტორიებზე. კერძოდ, ტაბახმელაში, კოჯორში, შინდისში, კიკეთში, წყნეთში, წავკისში, ბეთანიასა და სამადლოში.
დედაქალაქის მერიის ინფორმაციით, თბილისში მოსული ნალექისა და დაბალი ტემპერატურის გამო, “თბილსერვის ჯგუფის” 50-მდე თანამშრომელი და 6 ერთეული სპეცტექნიკა გზის გაწმენდისა და ტექნიკური მარილის დაყრის სამუშაოებს ახორციელებს. დაახლოებით 25 ტონა ტექნიკური მარილი დაიყარა დედაქალაქის შემოგარენში. თბილისის გარდა, თოვლია რეგიონებშიც.
საავტომობილო გზების დეპარტამენტის ცნობით, საერთაშორისო მნიშვნელობის მცხეთა-სტეფანწმინდა-ლარსის საავტომობილო გზის გუდაური-კობის მონაკვეთზე მისაბმელიანი და ნახევრადმისაბმელიანი ავტოტრანსპორტის მოძრაობა გარკვეული დროის განმავლობაში შეზღუდული იყო, თუმცა, გზაზე მოძრაობა ამჟამად აღდგენილია.
ინგა ფუტკარაძე
![](https://kinsta.com/wp-content/uploads/2020/06/leaderboard-1.png)
![](http://www.espressographics.com/html_graphics/Banner_300x100.gif)