ავტომობილის განმეორებითი ტექნიკური ინსპექტირება ფასიანი იქნება
![](https://24media.ge/wp-content/uploads/manqana.jpg)
მთავრობის გადაწყვეტილებით, 1-ლი თებერვლიდან ავტომობილის განმეორებით ტექნიკურ ინსპექტირებაზე გარკვეული ღირებულება დაწესდება. პირველადი ინსპექტირების ღირებულება კი უცვლელი დარჩება.
განმეორებითი პერიოდული ტექნიკური ინსპექტირება სხვადასხვა კატეგორიის სატრანსპორტო საშუალებისთვის შემდეგი იქნება:
8-ზე მეტი დასაჯდომი ადგილის (მძღოლის ადგილის გარდა) მქონე, მგზავრთა გადასაყვანად განკუთვნილი ძრავიანი ავტოსატრანსპორტო საშუალებები (მიკროავტობუსები) – 30 ლარი;
3500 კგ-ზე მეტი სრული მასის მქონე, ტვირთის გადასაზიდად განკუთვნილი ძრავიანი ავტოსატრანსპორტო საშუალებები (სატვირთო ავტომობილები) – 30 ლარი;
3500 კგ-ზე მეტი სრული მასის მქონე მისაბმელები და ნახევრად მისაბმელები – 20 ლარი;
სასწრაფო სამედიცინო დახმარების ავტოსატრანსპორტო საშუალებები – 20 ლარი;
ტაქსები – 20 ლარი;
პიკაპი – 20 ლარი;
არაუმეტეს 3500 კგ-ზე სრული მასისა და არანაკლებ ოთხი თვლის მქონე, ტვირთის გადასაზიდად განკუთვნილი ძრავიანი ავტოსატრანსპორტო საშუალებები, სასოფლო-სამეურნეო მანქანებისა და ტრაქტორების გარდა – 20 ლარი;
არაუმეტეს 8 დასაჯდომი ადგილის (მძღოლის ადგილის გარდა) და არანაკლებ ოთხი თვლის მქონე, მგზავრთა გადასაყვანად განკუთვნილი ძრავიანი ავტოსატრანსპორტო საშუალებები (მსუბუქი ავტომობილები) – 20 ლარი.
ინგა ფუტკარაძე
![](https://kinsta.com/wp-content/uploads/2020/06/leaderboard-1.png)
![](http://www.espressographics.com/html_graphics/Banner_300x100.gif)