სათავგადასავლო ტურიზმში საქართველოს 7 რეგიონი მოხვდა

ტურიზმის ეროვნულმა ადმინისტრაციამ სათავგადასავლო ტურიზმის განვითარების მიზნით საქართველოს 7 რეგიონში: აჭარაში, გურიაში, სამეგრელო-ზემო სვანეთში, რაჭა-ლეჩხუმსა და ქვემო სვანეთში, სამცხე-ჯავახეთსა და კახეთში მთლიანობაში 227 კმ-ის სიგრძის 28 საფეხმავლო ბილიკი მონიშნა. აღნიშნულ ბილიკებზე 610 მიმართულების მანიშნებელი დაფა, 292 მიმართულების მანიშნებელი ბოძი და 44 საინფორმაციო დაფა დამონტაჟდა.

მონიშნული ბილიკები ლაშქრობის მსურველებს შესაძლებლობას აძლევს გზის აუცდენლად იმოგზაურონ. ბილიკები ძირითად მარტივი და საშუალო სირთულისაა, რაც მოლაშქრეებს გაუადვილებს სასურველი ადგილების მონახულებას.

აღსანიშნავია, რომ ტურიზმის ეროვნული ადმინისტრაცია საფეხმავლო ბილიკებს ყოველწლიურად ნიშნავს. პროექტის მიზანი ერთიანი საფეხმავლო ბილიკების ქსელის განვითარება და ერთმანეთთან დაკავშირებაა.

თაკო ბოკუჩავა