თბილისში საახალწლო ღონისძიებები დაიწყო

“ახალი წელი ჩვენს უბანში” ფარგლებში ყაზბეგის გამზირზე მდებარე გოძიაშვილის სახელობის ბაღში საახალწლო ღონისძიება გაიმართა. ღონისძიებას ადგილობრივი მოსახლეობა დაესწრო. მისულ სტუმრებს მუსიკალური ნომრები, სხვადასხვა აქტივობები და საბავშვო გასართობი პროგრამები დახვდათ.

აღსანიშნავია, რომ კამპანია “ახალი წელი ჩვენს უბანში” საბურთალოს რაიონის რამდენიმე მისამართზე უკვე ჩატარდა და მომავალშიც იგეგმება. ღონისძიების მიზანი მოსახლეობისთვის დადებითი ემოციებისა და საახალწლო განწყობის შექმნაა.

თაკო ბოკუჩავა