ხაჭაპურის ინდექსის ისტორიული მაქსიმუმი

ხაჭაპურის ინდექსის ისტორიული მაქსიმუმი დაფიქსირდა – წელს საქართველოში ხაჭაპურის მომზადება 26.1 %-ით გაძვირდა. იმერული ხაჭაპურის მომზადების საშუალო ღირებულება 6.99 ლარია, რაც წინა წლის ანალოგიურ პერიოდთან შედარებით 26.1 %-ით მეტია.

კერძოდ, წინა წელთან შედარებით გაძვირდა: ყველი 27.4 %-ით, კვერცხი – 8. 6%-ით, ფქვილი – 13.3%-ით, რძე – 20 %-ით, საფუარი 15.1 %-ით.

რაც შეეხება გეოგრაფიულ ჭრილს, ხაჭაპურის ინდექსის კუთხით, ფასების ზრდა ყველაზე მეტად დაფიქსირდა თბილისში 28, 9%-ით, ქუთაისში 14, 1%-ით, ბათუმში 21.8%-ით, თელავში 22, 4 %-ით. შედეგად, მიუხედავად, იმისა, რომ მერვე თვეა საერთაშორისო ფასები იკლებს, საქართველოში სურსათის ფასები ზრდას არ წყვეტს.

ცნობისათვის, ხაჭაპურის ინდექსი ISET-ის კვლევითი ინსტიტუტის მიერაა შემუშავებული. ის ქვეყანაში ინფლაციის დონეს ზომავს. ISET-ს ინფლაციის დასაანგარიშებლად მხოლოდ ხაჭაპურის გამოსაცხობად აუცილებელი ინგრედიენტები შეჰყავს. ესენია: ფქვილი, ყველი, საფუარი, რძე, კვერცხი, კარაქი.

ამასთან, ინდექსი მოიცავს გაზისა და ელექტროენერგიის ხარჯებს. შეგახსენებთ, რომ ნოემბერში, ხაჭაპურის ინდექსის ზრდამ 27. 3% შეადგინა, რაც წინა წლის ანალოგიურ პერიოდზე 27.3 %-ით მეტი იყო.

ინგა ფუტკარაძე