პარლამენტთან “უცხოური გავლენის გამჭვირვალობის შესახებ“ კანონპროექტს აპროტესტებენ

პარლამენტთან “უცხოური გავლენის გამჭვირვალობის შესახებ“ კანონპროექტის მოწინააღმდეგეები აქციას მართავენ. საპარლამენტო უმრავლესობაში შემავალი “ხალხის ძალის” დეპუტატების მიერ მომზადებული კანონპროექტის შინაარსს ოპოზიცია, სამოქალაქო სექტორისა და მედიის ნაწილი არ ეთანხმება. საკანონმდებლო ინიციატივას ამჟამად პარლამენტის იურიდიული კომიტეტი განიხილავს.

საპროტესტო აქციის მონაწილეები პარლამენტის შესასვლელთან და რუსთაველის გამზირზე დგანან. ორგანიზატორები ამბობენ, რომ სირცხვილის დერეფნის მოწყობასაც გეგმავენ.

შეგახსენებთ, რომ 14 თებერვალს, „ხალხის ძალამ“ საქართველოს პარლამენტში, ,,უცხოური გავლენის გამჭვირვალობის შესახებ“ კანონპროექტი წარადგინა. ,,ხალხის ძალის” მიერ წარდგენილი კანონპროექტი, ამერიკის სახელმწიფო დეპარტამენტის სპიკერმა – ნედ პრაისმა დაიწუნა. მისი თქმით, კანონში გარკვეული საფრთხეა.

22 თებერვალს, ,,ხალხის ძალამ“ კანონპროექტის ალტერნატიული ვერსია – „უცხოელი აგენტების რეგისტრაციის შესახებ“ კანონპროექტი დაარეგისტრირა. აღსანიშნავია, რომ კანონპროექტის ორივე ვერსია, ვენეციის კომისიაში გაიგზავნება.

სალომე ხომასურიძე