ქართველი მეცნიერები ლიბანში უნიკალური აღმოჩენის მომსწრენი გახდნენ

სამეცნიერო ექსპედიციამ, ბეირუთთან ახლოს მდებარე XVIII საუკუნის მონასტერში, 4 ქართულ ხელნაწერს მიაკვლია.

როგორც ცნობილი გახდა, ერთ-ერთი ქართული ხელნაწერი, XX საუკუნის დასაწყისში, ქართველ სასულიერო პირსა და მეცნიერს, შალვა ვარდიძეს შეუსწავლია. დანარჩენი სამის არსებობა კი ქართული სამეცნიერო საზოგადოებისთვის დღემდე უცნობი იყო.

გიორგი კალანდიამ, ნანა მირაშვილმა და თამარ დემეტრაძემ ეს სასიხარულო ამბავი ლიბანიდან გაგვიზიარეს. ისინი აქტიურად ცდილობენ შეისწავლონ ხელნაწერები.

აღსანიშნავია ისიც, რომ უახლოეს პერიოდში, ტაძრის ბიბლიოთეკა ყველა ხელნაწერის ციფრულ ასლს, ანუ 2000-ზე მეტ ფოტოს ქართულ მხარეს გადასცემს.

ექსპედიცია კულტურის სამინისტროს მხარდაჭერით განხორციელდა.

ლიკა მაჩხანელი