ტრაგედია ბათუმში – ბატუტის დაზიანებას 9 წლის ბავშვის სიცოცხლე შეეწირა

ბათუმში, ბულვარში, არდაგანის ტბასთან, ბატუტის დაზიანების გამო 2 ბავშვი დაშავდა. 9 წლის ბავშვი გარდაიცვალა, მისი უმცროსი ძმა, რომელიც 3 წლისაა, კლინიკაში რჩება, მას დაზიანება თავის არეში აქვს.

უბედური შემთხვევა 12 მარტს, ღამით 23:00 საათის შემდეგ მოხდა. ძლიერმა ქარმა ბატუტი გაიტაცა და დააზიანა. ბატუტზე იმ მომენტისთვის 2 არასრულწლოვანი – ძმები იმყოფებოდნენ. გავრცელებული ინფორმაციით, ბავშვების დედა უკრაინელი, მამა – ქართველია.

შინაგან საქმეთა სამინისტრომ მომხდარზე გამოძიება სისხლის სამართლის კოდექსის, 240-ე მუხლით დაიწყო, რაც უსაფრთხოების წესების დარღვევას გულისხმობს.