„ნაცნობი და უცნობი ფარაჯანოვი“ – წიგნის პრეზენტაცია კინოაკადემიაში

საქართველოს კინოაკადემიაში, 1924 წლის 9 იანვარს, თბილისში დაბადებული სომხური წარმოშობის ქართველი და საბჭოთა კინორეჟისორის, სერგო ფარაჯანოვის ხსოვნის მიმართ მიძღვნილი წიგნის პრეზენტაცია გაიმართა.

„ნაცნობი და უცნობი ფარაჯანოვი“ – ასე ჰქვია წიგნს, რომელშიც ქართველი და უცხოელი ცნობილი ხელოვანები, ფარაჯანოვის შემოქმედებას იხსენებენ.

აღსანიშნავია, რომ საღამოზე შეკრებილმა სტუმრებმა, დოკუმენტური ფილმიც იხილეს, რომელსაც „რობიკო სტურუა ფარაჯანოვზე” ეწოდება.

სერგო ფარაჯანოვის ნამუშევრები, ძირითადად, კავკასიის ეთნიკურ მრავალფეროვნებას ასახავს. ფარაჯანოვის პირველი მნიშვნელოვანი ნამუშევარი, 1964 წელს, „მივიწყებულ წინაპართა აჩრდილები“ იყო, რომელმაც მისი ფერადოვნებით, კოლორიტული კოსტიუმებითა და სოფლის ცხოვრების უცნაური აღწერით, საერთაშორისო აღიარება მოიპოვა.

კინორეჟისორი, სერგო ფარაჯანოვი 1990 წლის ივლისში, ერევანში გარდაიცვალა.

სალომე ხომასურიძე