თბილისის ოპერისა და ბალეტის თეატრში, კიბოს სკრინინგის მხარდამჭერი კონცერტი გაიმართება

20 მარტს, 20:00 საათზე, თბილისის ოპერისა და ბალეტის სახელმწიფო თეატრი, კიბოს სკრინინგის მხარდასაჭერ კონცერტს უმასპინძლებს, – ამის შესახებ ინფორმაციას, თბილისის მერიის საზოგადოებასთან ურთიერთობის სამსახური ავრცელებს. ღონისძიებაში ცნობილი ქართველი მუსიკოსები მონაწილეობენ.

როგორც ცნობილია, კონცერტი, საქართველოში კიბოს სკრინინგის პროგრამის პოპულარიზაციის მიზნით, ეროვნული სკრინინგ ცენტრის ინიციატივით და ა(ა)იპ „ქართული მუსიკის ცენტრის“ მხარდაჭერით დაწყებული საინფორმაციო კამპანიის ფარგლებში ჩატარდება.

აღსანიშნავია ის ფაქტიც, რომ ღონისძიება თბილისის მერიის მხარდაჭერითა და დაფინანსებით გაიმართება.

სალომე ხომასურიძე