საბანკო სექტორში განთავსებული დეპოზიტების მოცულობა 37 მილიონი ლარით შემცირდა
![](https://24media.ge/wp-content/uploads/banki.jpg)
საქართველოს ეროვნული ბანკის ანგარიშის მიხედვით, საბანკო სექტორში განთავსებული არასაბანკო დეპოზიტების მოცულობამ, 2023 წლის თებერვლის ბოლოსთვის 43.61 მლრდ ლარი შეადგინა, რაც იანვრის მაჩვენებელზე, 36.79 მლნ ლარით, ანუ 0.08%-ით ნაკლებია.
საქართველოს ეროვნული ბანკის ანგარიშის თანახმად, თებერვალში, წინა თვესთან შედარებით, ვადიანი დეპოზიტები 38.20 მლნ ლარით, ანუ 0.23%-ით გაიზარდა. მოთხოვნამდე კი დეპოზიტები 74.99 მლნ ლარით, ანუ 0.28%-ით შემცირდა. ცენტრალური ბანკის ცნობით, დეპოზიტების ლარიზაციის კოეფიციენტმა, 2023 წლის თებერვლის ბოლოსთვის 45.23 პროცენტი შეადგინა. წინა თვის ბოლო მდგომარეობასთან შედარებით კი, დეპოზიტების ლარიზაცია 0.12 პროცენტული პუნქტით გაიზარდა.
სებ-ის ინფორმაციით, თებერვალში ვადიან დეპოზიტებზე საშუალო წლიურმა შეწონილმა საბაზრო საპროცენტო განაკვეთმა, 7.36% შეადგინა, მათ შორის, ეროვნული ვალუტით განთავსებულ დეპოზიტებზე 11.51%, უცხოური ვალუტით განთავსებულ დეპოზიტებზე კი – 1.17%. აღსანიშნავია, რომ უცხოური ვალუტით განთავსებულ დეპოზიტებში აშშ დოლარის წილმა 81.40%, ხოლო ევროს წილმა – 16.92% შეადგინა.
სალომე ხომასურიძე
![](https://kinsta.com/wp-content/uploads/2020/06/leaderboard-1.png)
![](http://www.espressographics.com/html_graphics/Banner_300x100.gif)