Imagine Dragons-ი თბილისში კონცერტს გამართავს

კამპანია Starring Georgia-ს ფარგლებში, საქართველოში უკვე ექვსი კონცერტი დაიგეგმა, მათ შორის არის ჯგუფი Imagine Dragons-ი, რომელსაც ჩვენი ქვეყანა, ზაფხულის ცხელ დღეებში, მიხეილ მესხის სტადიონზე უმასპინძლებს. ამის შესახებ ინფორმაციას, საქართველოს მთავრობა ავრცელებს.

აღსანიშნავია, რომ Black Sea Arena საქართველოში მასშტაბურ კამპანიას – Starring Georgia-ს – იწყებს. ეს გადაწყვეტილება, საქართველოს პრემიერ-მინისტრს, ირაკლი ღარიბაშვილის ეკუთვნის.

მთავრობის ცნობით, კამპანიის მთავარი მიზანი ქვეყნის პოპულარიზაცია, საქართველოს ტურისტული, ეკონომიკური და კულტურული პოტენციალის გაძლიერებაა. ამასთან, ახალი კამპანიის ფარგლებში, Black Sea Arena-ს სცენის გარდა, კონცერტები შეკვეთილში, თბილისსა და სხვა ლოკაციებზე ჩატარდება.

საქართველოს მთავრობის მიერ გავრცელებული ინფორმაციის თანახმად, უკვე დაანონსებულია შემდეგი ღონისძიებები:

Nile Rodgers & Chic – 5 აგვისტო, Black Sea Arena,
Front Stage; FKJ – 6 აგვისტო, Black Sea Arena,
Front Stage; Damian Lazarus – 10 აგვისტო, The Social Space;
The Killers – 15 აგვისტო, Black Sea Arena;
All Day I Dream – 18 აგვისტო, The Social Space;
Imagine Dragons – 31 აგვისტო, Mikheil Meskhi Stadium.

როგორც ცნობილია, დაგეგმილი კონცერტების ბილეთების გაყიდვა 24 აპრილიდან, ეტაპობრივად, ვებგვერდზე – BSA.ge დაიწყება.

სალომე ხომასურიძე