უგოლო პირველი ტაიმი და 62-ე წუთზე გახსნილი ანგარიში ესპანეთის სასარგებლოდ

ფეხბურთში მსოფლიო ჩემპიონატი E და F ჯგუფებში გაიმართა

მსოფლიო ჩემპიონატის E ჯგუფში ერთმანეთს იაპონია და კოსტა-რიკა დაუპირისპირდნენ. თამაშის პირველი ნახევარი საკმაოდ მოსაწყენი გამოდგა. სიტუაცია არც მეორე ტაიმის დასაწყისში შეცვლილა, მიუხედავად იმისა, რომ იაპონელები ბურთს ფლობდნენ, აქტიურ საგოლე მომენტებს ვერ ქმნიდნენ.

თამაშის 81-ე წუთზე კეიშერ ფულერმა გოლის გატანა და ანგარიშის გახსნა მოახერხა, რაც საბოლოოდ გამარჯვების გოლი აღმოჩნდა. შეხვედრა კოსტა-რიკას სასარგებლოდ – 1:0 დამთავრდა.

E ჯგუფის მეორე ტურის დასკვნით მატჩში ერთმანეთს გერმანია და ესპანეთი შეხვდნენ. უგოლო პირველი ტაიმის შემდეგ ანგარიშის გახსნა 62-ე წუთზე ალვარო მორატამ შეძლო. 83-ე წუთზე გერმანელმა ფეხბურთელმა ნიკლას ფიულკრუგმა წონასწორობა აღადგინა და საბოლოო ანგარიში დააფიქსირა. შეხვედრა ფრედ – 1:1 დამთავრდა.

ატარი 2022-ის F ჯგუფის მე-2 ტურში ერთმანეთის წინააღმდეგ მაროკომ და ბელგიამ ითამაშეს. შეხვედრაში პირველი გოლი 73-ე წუთზე აბდელჰამიდ საბირიმ გაიტანა და საკუთარი გუნდი დააწინაურა. მსაჯის მიერ დამატებულ მე-2 წუთზე მაროკომ მოწინააღმდეგის კარში მეორე გოლის გატანაც შეძლო და თამაში დამაჯერებელი გამარჯვებით – 2:0 დაასრულა.

F ჯგუფში ერთმანეთს ხორვატია და კანადაც დაუპირისპირდნენ. თამაშის დაწყებიდან კანადამ ანგარიში რეკორდულ დროში 68-ე წამზე გახსნა. 36-ე წუთზე ხორვატმა ფეხბურთელმა ანდრეი კრამარიჩმა ანგარიშის გათანაბრება შეძლო, თუმცა მალევე ხორვატია ისევ დაწინაურდა.

თამაშის 70-ე წუთზე ანდრეი კრამარიჩმა დუბლი შეასრულა. დამატებით წუთზე, კი ლოვრო მაიერის გატანილი გოლით საბოლოო ანგარიში დაფიქსირდა – 4:1.

თაკო ბოკუჩავა