მერვედფინალში პირველი შეხვედრა აშშ-სა და ნიდერლანდებს შორის გაიმართა

მსოფლიო საფეხბურთო ჩემპიონატის მერვედფინალში პირველი შეხვედრა აშშ-სა და ნიდერლანდებს შორის გაიმართა. ამერიკელებმა თამაში აქტიურად დაიწყეს, თუმცა პულიშიჩმა რეალური საგოლე მომენტი ვერ გამოიყენა. ამის შემდეგ, ნიდერლანდების ნაკრები აქტიურ შეტევაზე გადავიდა და მე-10 წუთზე ანგარიში გახსნა.

პირველი ტაიმის დასრულებამდე დალეი ბლინდმა კიდევ ერთი გოლი გაიტანა და ნიდერლანდების უპირატესობა 2-მდე გაზარდა. თამაშის მეორე ნახევარი ორივე გუნდმა აქტიური შეტევებით დაიწყო. აშშ-ის ნაკრებმა გოლის გატანა და ანგარიშის შემცირება შეძლო. თუმცა, მალევე ნიდერლანდებმა კიდევ ერთი გოლი მიითვალა და საბოლოო ანგარიში დააფიქსირა. შეხვედრა ნიდერლანდების სასარგებლოდ – 3:1 დამთავრდა.

დღევანდელი მერვედფინალის მეორე თამაშზე ერთმანეთს ავსტრალია და არგენტინა დაუპირისპირდნენ. თამაშის პირველი ტაიმი საკმაოდ მოსაწყენი გამოდგა, თუმცა ლეონელ მესიმ თავისი გუნდი მაინც დააწინაურა.

მეორე ტაიმი უფრო სანახაობრივი აღმოჩნდა. თამაშის 57-ე წუთზე არგენტინამ კიდევ ერთი გოლი გაიტანა და უპირატესობა გაზარდა. შეხვედრაზე ავსტრალია საკმაოდ პასიურობდა, თუმცა კრეიგ გუდვინის დარტყმით, გუნდმა ერთი გოლი მაინც მიითვალა. საბოლოოდ, შეხვედრა არგენტინის სასარგებლოდ – 2:1 დამთავრდა.

აღსანიშნავია, რომ 9 დეკემბერს, მსოფლიო ჩემპიონატის მეოთხედფინალში, ერთმანეთს არგენტინა და ნიდერლანდები დაუპირისპირდებიან.

თაკო ბოკუჩავა