არგენტინა მსოფლიო ჩემპიონატის ფინალშია
![](https://24media.ge/wp-content/uploads/mesi.jpg)
მსოფლიო საფეხბურთო ჩემპიონატის ნახევარფინალში ერთმანეთს არგენტინა და ხორვატია დაუპირისპირდნენ. თამაში მთლიანობაში საკმაოდ დაძაბული გამოდგა.
34-ე წუთზე ანგარიში ლეგენდარულმა ლეონელ მესიმ ხულიან ალვარესის გამომუშავებული პენალტით გახსნა. ზუსტად 5 წუთში არგენტინის ნაკრების კონტრშეტევა ალვარესის შესანიშნავი გოლით დასრულდა, რამაც ნაკრები კიდევ უფრო დააწინაურა. 2 გოლის გაშვების შემდეგ, ხორვატიის ნაკრების ფეხბურთელებს აშკარად დაეტყოთ ნერვიულობა, რამაც თამაშის ხარისხზეც იმოქმედა.
პირველი ტაიმი არგენტინის 2 ბურთიანი უპირატესობით დამთავრდა. თამაშის 69-ე წუთზე ხულიან ალვარესმა, მესის პასით დუბლი გააფორმა და საბოლოო ანგარიში დააფიქსირა. შეხვედრა არგენტინის სრული უპირატესობით დამთავრდა – 3:0.
აღსანიშნავია, რომ არგენტინის ეროვნული ნაკრები მსოფლიო ჩემპიონატის ფინალში მეხუთედ ითამაშებს. გასული ოთხი ფინალიდან ნაკრებმა ორი მოიგო (1978, 1986), ორში კი დამარცხდა (1990, 2014).
თაკო ბოკუჩავა
![](https://kinsta.com/wp-content/uploads/2020/06/leaderboard-1.png)
![](http://www.espressographics.com/html_graphics/Banner_300x100.gif)