Twitter-ს ახალი ფუნქცია ემატება
![](https://24media.ge/wp-content/uploads/Tviter.jpg)
სოციალურ ქსელ Twitter-ს, ტექსტის ფორმატირების ფუნქციები დაემატება. ამის შესახებ ინფორმაცია სოციალური ქსელის მფლობელმა, ილონ მასკმა, საკუთარ ანგარიშზე გამოაქვეყნა.
„მოგვიანებით ამ კვარტალში დავამატებთ ფორმატირების მარტივ ფუნქციებს, როგორიცაა მუქი შრიფტი, ტექსტის ხაზგასმა და შრიფტის ზომა“, – წერს ილონ მასკი Twitter-ზე.
შეგახსენებთ, რომ Twitter არის საიტი, რომელსაც ,,Twitter Inc“ ფლობს. ის სოციალური ქსელისა და მიკრობლოგინგის სერვისებს მოიცავს. მომხმარებლებს შეუძლიათ გაგზავნონ და წაიკითხონ შეტყობინებები – „ტვიტები“ (tweets). ტვიტი 280-მდე (ან 140-მდე ჩინური, იაპონური და კორეული დამწერლობებისთვის; ასევე, 2017 წლამდე, ყველა დამწერლობისთვის) სიმბოლოსგან შემდგარი ტექსტური პოსტია, რომელიც მომხმარებლის გვერდზე ჩანს.
სალომე ხომასურიძე
![](https://kinsta.com/wp-content/uploads/2020/06/leaderboard-1.png)
![](http://www.espressographics.com/html_graphics/Banner_300x100.gif)