ხვიჩა კვარაცხელია შესაძლოა, სერია A-ს საუკეთესო მოთამაშე მესამედ გახდეს

ქართველმა ფეხბურთელმა, ხვიჩა კვარაცხელიამ, არაჩვეულებრივი თამაშით და ტაქტიკით, უკვე არაერთხელ გააკვირვა ფეხბურთის ლეგენდები და გულშემატკივრები. სწორედ ამიტომ, ახლა მას შანსი აქვს, სერია A-ს მარტის თვის საუკეთესო მოთამაშე გახდეს.

„ნაპოლის“ ქართველი თავდამსხმელი იმ ხუთ კანდიდატს შორის მოხვდა, რომლებიც Easports-მა შეარჩია.

როგორც ცნობილია, გამოკითხვა უკვე დაწყებულია და კვარაცხელიას გარდა, ასევე, დასახელებულები არიან:

კიმ მინ-ჯე („ნაპოლი“, მცველი, სამხრეთ კორეა), არმან ლორიენტე („სასუოლო“, ნახევარმცველი, საფრანგეთი), ადრიენ რაბიო („იუვენტუსი“, ნახევარმცველი, საფრანგეთი) და დესტინ უდოგი („უდინეზე“, მცველი, იტალია).

შეგახსენებთ, რომ ქართველი ,,კვარადონა” აგვისტოსა და თებერვალში სერია „ა“-ს საუკეთესო მოთამაშე უკვე გახდა და ისტორიაში პირველი ფეხბურთელია, ვინც ეს შეძლო.

მისი გულშემატკივრობა და ხმის მიცემა, შეგიძლიათ ამ ბმულზე https://serieapotm.easports.com.

სალომე ხომასურიძე